कार्पेट एरिया बिल्टअप एरिया सुपर बिल्टअप एरिया बाबत माहिती.
घर किंवा फ्लॅट खरेदी करताना कार्पेट एरिया (Carpet Area), बिल्टअप एरिया (Built-up Area) आणि सुपर बिल्टअप एरिया (Super Built-up Area) या तीन संकल्पना समजून घेणे अत्यंत गरजेचे आहे. या तिन्ही टर्म्स फ्लॅटच्या किंमतीशी आणि प्रत्यक्ष वापरता येणाऱ्या जागेेशी जोडलेल्या असतात. त्यांची सविस्तर माहिती खालीलप्रमाणे आहे:
१. कार्पेट एरिया (Carpet Area)
व्याख्या: कार्पेट एरिया म्हणजे घराच्या भिंतींच्या आतील प्रत्यक्ष मोकळी जागा, ज्यावर आपण प्रत्यक्षात कार्पेट (गालिचा) अंथरू शकतो.
समाविष्ट असणाऱ्या गोष्टी: सर्व खोल्या (बेडरूम, हॉल इ.)
स्वयपाकघर (Kitchen), बाथरुम आणि शौचालयाची जागा, घरच्या आतील भिंतींची जाडी (काही नियमांनुसार मोजली जाते)
महत्त्व: RERA (रेरा) कायद्यानुसार, बिल्डरांना फ्लॅटची विक्री ही प्रामुख्याने कार्पेट एरियाच्या आधारावरच करणे बंधनकारक आहे. त्यामुळे ग्राहकाला प्रत्यक्ष राहण्यासाठी किती जागा मिळणार आहे, हे यावरून स्पष्ट होते. यात बाल्कनी किंवा टेरेसचा समावेश होत नाही (मात्र बाल्कनीची स्वतंत्रपणे मोजदाद केली जाते).
२. बिल्टअप एरिया (Built-up Area)
व्याख्या: कार्पेट एरिया आणि घराच्या बाहेरील किंवा आतील भिंतींनी घेरलेली जागा (Wall Thickness) मिळून जो एरिया तयार होतो, त्याला बिल्टअप एरिया म्हणतात.
समाविष्ट असणाऱ्या गोष्टी: कार्पेट एरिया
फ्लॅटच्या सर्व भिंतींचे क्षेत्रफळ (Outer and Inner Walls), बाल्कनी, फ्लॉवर बेड किंवा युटिलिटी एरिया (असल्यास)
प्रमाण: साधारणपणे, बिल्टअप एरिया हा कार्पेट एरियापेक्षा १० ते १५ टक्के जास्त असतो.
३. सुपर बिल्टअप एरिया (Super Built-up Area)
व्याख्या: याला 'सेलॅबल एरिया' (Saleable Area) असेही म्हणतात. फ्लॅटचा बिल्टअप एरिया आणि इमारतीमधील सामायिक सुविधांची (Common Amenities) जागा सम प्रमाणात वाटून जी एकूण जागा तयार होते, ती सुपर बिल्टअप एरिया होय. बिल्डर याच एरियावर फ्लॅटची एकूण किंमत आकारतात.
सुपर बिल्टअप एरिया मध्ये समाविष्ट असणाऱ्या गोष्टी:
लिफ्ट आणि लिफ्टची Loby जिन्यांची जागा (Staircase)
क्लब हाऊस, जीम, स्विमिंग पूल सुरक्षा रक्षक केबिन, कॉरिडॉर आणि सामायिक पॅसेज.
संक्षिप्त तुलना
(थोडक्यात समजण्यासाठी):-
